Во екот на Европското првенство во фудбал до 21 година, Горска организира спортско дружење на 18 јуни од 12 часот на Школка, Градски парк. Сите присутни на настанот ќе можат да ги покажат своите фудбалски вештини и да освојат подароци.
Мотивирани од успехот што го постигнаа македонските репрезентативци (U21) со пласирањето на ЕП во Полска, Горска која е официјален спонзор на репрезентацијата, сака да го крене спортскиот дух и да ги размрда сите љубители на фудбалот со организирање на забавен настан.
Двочасовниот настан ќе биде исполнет со многу спортски предизвици. Присутните ќе треба да го покажат својот талент и да се натпреваруваат во неколку активности во кои ќе ги покажат своите фудбалски вештини. Жонглирање, дриблање, шутирање на топка по одредена патека и изведување пенали се предизвиците во кои натпреварувачите ќе имаат можност да се покажат и да освојат подароци.
Горска те повикува на 18 јуни од 12 часот на Школка, Градски парк на многу забава и дружење за да ја почувствуваме заедно силната страна на спортот и да ги бодриме нашите фудбалски надежи.