Хроника

Гостиварец пријавил измама откако дал пари за вработување на неговата девојка

24. јануари 2020 - 12:54 | МИА

Гостивар, 24 јануари 2020 (МИА) – Гостиварeц пријавил во полиција дека бил измамен од женско лице на кое му дал пари за да помогне при вработување во државна институција.

Според СВР Тетово, Ј.М. (23) од Гостивар синоќа пријавил дека пред извесно време бил измамен од женско лице од Скопје.

Гостиварецот преку социјалната мрежа Фејсбук претходно контактирал со жената, а таа му ветила дека ќе му помогне за вработување на неговата девојка. За таа услуга му побарала да плати 1.000 евра.

Тој, според пријавеното, се договорил и во Гостивар ѝ платил една од договорените рати. Подоцна, скопјанката не се појавила на договорената средба во Скопје и не му се јавувала повеќе, по што сфатил дека е измамен.

Се преземаат мерки за расчистување на случајот.

Коментирај