Тренерот на Удинезе упати низа пофалби до македонскиот напаѓач кој синоќа со својот гол му донесе победа на овој тим против Фиорентина.
Илија Несторовски не ужива минутажа кај Удинезе и оваа сезона. Цело време е на клупата за резервни играчи, а обично влегува во вториот дел, понекогаш и на полувреме. Вчера тренерот Лука Готи му даде шанса конечно да почне од првата минута, првпат по 12 декември 2020, и не зажали бидејќи Иле му ја донесе победата на Удинезе.
Во 86-тата минута по нафрлувањето од Родруго Де Паул, нашиот репрезентативец со глава го совлада полскиот голман Бартуомјеј Дронговски и му донесе големи 3 бода на тимот од Удине.
„Несторовски доби малку шанси да се покаже, но цело време тренира со ентузијазам небаре е дете од младинскиот тим, а не 30-годишник. Заслужи да игра и го заслужи овој гол“, рече стратегот на „Фриулианите“.
Несторовски сезонава одигра 15 натпревари за Удинезе, но само 436 минути, или во просек 29 минути по натпревар. Ова му е само втор гол сезонава, а запиша и една асистенција.
Неговиот нагажман на тренинзите е добра вест и за македонската репрезентација Иле е ударната алка во нападот на селекторот Ангеловски и речиси сигурен играч на списокот за настап на претстојното ЕУРО.