Зборовите искажани од коментаторот Тони Стојановски на крајот од бараж натпреварот во Грузија, со кој Македонија избори пласман на ЕУРО 2020, доби свое место и во Куќа на фудбалот.
Фудбалската федерација на Македонија му подготви специјално изненадување на Тони Стојановски, коментаторот од МРТ кој од Тбилиси во живо го коментираше натпреварот Грузија - Македонија. Нашата репрезентација избори историски пласман на едно Европско првенство, а говорот на Стојановски стана вирален. Стојановски по последниот свиреж коментираше од срце со силна доза на возбуда што наиде на огромна радост кај гледачите.
Председателот на ФФМ, Муамед Сејдини, го покани лично Стојановски во домот на Федерацијата за да му покаже на каков начин ФФМ ги овековечила неговите зборови.