Магазинот GQ го прогласи актерот Ендру Гарфилд за маж на годината.
Овој 39-годишен актер е познат по улогите во „Hacksaw Ridge“, „Spider-Man“, „Under the Silver Lake“, „The Eyes of Tammy Faye“ и други. Во интервју за магазинот отворено зборуваше дека општеството очекува од него до четириесеттиот роденден да стане татко.
„Не сакам слепо да ги следам социјалните „правила“. Одлучив да се движам по друг животен пат и така се чувствувам среќно. Не планирам да исполнувам какви било туѓи очекувања“, изјави тој.
Како еден од најтешките настани во животот ја наведе смртта на мајка му.
„Во 2019 година работев на претставата „Angels in America“. Тогаш дознав дека мојата мајка е болна и нема да преживее. Почина на 69 години. На татко ми му беше многу тешко, а јас истовремено продолжив да работам во театар и да му помагам нему и на останатите членови на семејството“, раскажа тој.
Наградата за маж на годината ќе му биде врачена на церемонија што вечерва ќе се одржи во Лондон.
