Спецес, аристократски остров во Саронскиот залив, од порано го носеше името Питијус. Новото име го доби благодарение на цвеќињата и аромите кои можат да се почувствуваат на него.
Прекриен со борова шума и грандиозна архитектура, Спецес е остров на кој се дружеше грчката, но и светската аристократија кон почетокот на 20 век.
Островот беше резервиран само за аристократијата, која овде си организираше заеднички летувања, вечери и настани, а е оддалечен на само еден час од Атина.
Островот изобилува со неколку хотели, каде што и се собираше порано светската аристократија.
Модернизиран, а подеднакво и луксузен, хотелот Посејдон Гранд е изграден во 1912 година, а и понатаму го отсликува духот на таа епоха.
Доколку пак се упатите кон старото пристаниште на островот, ќе наидете и на музејот на Ласкарин Бубилин, воен херој чија статуа стои пред споменатиот хотел, како и понатаму да ги очекува непријателските бродови.
Интересно, островот некогаш беше и дом на жестоки борби помеѓу пирати, но познат е и по своите харизматични морепловци.
Островот во исто време е живописен, елегантен, автентичен, но и старомоден.
Иако, како што споменавме овде се собираше грчката и светска аристократија, сепак тој му нема подлегнато на масовниот туризам и модернизацијата, па ги задржа своите традиционални одбележја.
Од патишта со калдрма, со преубав дизајн на мозаик создаден кон крајот на седумдесеттите години, до кочии под ѕвездите и кристално чиста вода, Спецес има своја единствена привлечност.
Постојат и неколку плажи кои се идеални места за капење, на кои ќе можете да ја видите и вистинската природна убавина на Спецес.
Сместување на Сепецес можете да најдете по цена од 60 евра по ноќевање за две лица.