Жителите на нашиот јужен сосед се број еден во светот кога станува збор за консумацијата на маслиново масло. Шпанците произведуваат најмногу.
Грците годишно консумираат 24,6 литри маслиново масло по глава на жител, со што се убедливо на првото место во оваа категорија пред Шпанците и Италијанците.
Скоро десет литри помалку консумираат Шпанците, додека 12,5 литри по жител се консумира во Италија.
Воопште не е зачудувачки фактот што најголемите консуматори на маслиново масло се народите од Медитеранот. Веднаш надвор од топ 3 се Португалците, Сиријците, Тунижаните, Мароканците, Французите, Алжирците и Турците.
Затоа, пак, со најголемо производство на маслиново масло можат да се пофалат Шпанците кои произведуваат дури 43% од светското производство. Потоа следува Италија со 14% и Грција со 10%.
