Актерот Грегори Тајри Бојс утрово беше пронајден мртов заедно со неговата девојка.
Триесетгодишниот Бојс и неговата 27-годишна девојка Натали Адепоџу биле најдени мртви во стан во Лас Вегас, а на местото наводно била најдена бела прашкаста супстанца. Причината за смртта на двајцата уште не е потврдена.
„Семејството е ужалено од оваа загуба. Грегори Бојс беше татко, син, внук, брат, вујко и пријател. Беше светлината во нашите животи и многу нѐ растажи веста за неговата смрт. Беше добар, одговорен и почитуван човек. Секогаш ги ставаше другите пред себе. Семејството сака да ве замоли да ја почитувате нашата приватност во овие тешки моменти“, стои во соопштението од семејството на починатиот актер.
Телата ги нашол роднина на Бојс, откако го здогледал неговиот автомобил во дворот во време кога требало да бидат во Лос Анџелес.
Бојс во франшизата „Twilight“ го играше ликот на Тајлер Кроули, еден од школските другари на Бела Свон (Кристен Стјуарт).