Родителите се тие кои ги дисциплинираат децата, а бабите и дедовците се тука за да ги разгалат. Колку пати досега сте ја слушнале оваа реченица? Дали е навистина така?
Без оглед на тоа што бабите и дедовците се важен дел од животот на нивните внуци, со некои работи кои упорно ги прават и повторуваат можат да го саботираат авторитетот на родителите.
1. Не ги почитуваат правилата
Поставувањето разумни граници и спроведувањето на правила е дел од секое родителство. Затоа не е ниту малку лесно ако бабите и дедовците ги игнорираат тие правила и не ги почитуваат.
На некој можеби прекршувањето на родителските правила му изгледа смешно или невино, но децата тоа може да го протолкуваат како дозволено однесување.
2. Купуваат прескапи подароци
Бабите и дедовците тешко одолеваат на внучињата да не им купат скапи подароци, па затоа е најдобро да разговараат со родителите пред да им купат нешто.
Психолозите наместо скапи подароци на бабите и дедовците им препорачуваат повеќе да учествуваат во активности и настани со внуците при што ќе уживаат заедно, а истовремено ќе градат убави спомени.
Материјалните работи доаѓаат и си одат, спомените се вечни.
3. Фаворизираат поединечни внуци
Ова е една од работите кои често се случуваат кај оние кои имаат повеќе внуци. Најчесто го разгалуваат првото внуче па така сите останати се споредуваат со него – кога проодело, кој му бил првиот збор, кога се откажале од пелени, кој има подобри оцени и така натаму.
Лошиот начин на однесување може да влијае на самодовербата на детето.
4. Им даваат премногу благо
Бабите и дедовците често велат дека уживаат во детството на своите внучиња. Не треба да се грижат за строги правила како правилна исхрана ниту мора да им забрануваат чоколади и благо.
Токму во навиките на исхраната грешат најмногу, токму со таквиот безгрижен начин на однесување го поткопуваат авторитетот на родителите и го саботираат воспитувањето на децата.
5. Ги озборуваат родителите пред децата
Без оглед на тоа дали бабите и дедовците се сложуваат со родителите, треба да ги почитуваат и никогаш не смеат ни да помислат да ги озборуваат пред децата.
На тој начин своите внуци ги учат да не ги почитуваат родителите, а тоа не е нешто што би го посакале на сопствените деца.
