Сте го направиле првиот чекор и сте одлучиле да држите диета за да загубите килограми. Сепак, колку и да се трудите, бројот на килограми не се намалува, па наместо да го пронајдете причинителот за овој проблем, вие губите мотивација.
Ако се пронајдовте во овие реченици, прочитајте ги грешките кои поголемиот дел од луѓето ги прават кога се на диета.
Протеини за појадок
Важно е како ќе го започнете денот. Ако не јадете квалитетен протеински појадок, набргу повторно ќе бидете гладни, пишува порталот „Health“.
Грицки
Луѓето често ја потценуваат калориската вредност на грицките. Обично се трудите да одберете здрав појадок и ручек, а кога доаѓа ред за ужина најчесто се консумираат нездрави грицки.
Изгладнување
Ова е најлошата работа која можете да му ја направите на организмот. Прескокнувањето на оброци, исфрлувањето на цела група на храна или целосното изгладнување, се фактори кои ќе ви донесат ефекти потполно спротивни од посакуваните.
Избегнување на вежбање
Активирањето во некој спорт или одење, трчање, вежбање во теретана или каква било друга физичка активност, се работи кои се важни за одржување на здраво тело.
Научни истражувања покажаа дека за губење на килограми и одржување на посакуваната тежина е најдобра комбинацијата помеѓу физичката активност и здравата исхрана.
Алкохол
Многумина забораваат на калориите кои се внесуваат преку алкохолот. Алкохолот може да има многу негативно влијание на организмот и процесот на слабеење.
Нереални диети
Поголемиот дел од луѓето со прекумерна телесна маса ги следат новите диети поради кои влегуваат во маѓепсан круг на слабеење и повторно дебелеење. После таквите диети следува јо-јо ефект, а таа состојба може да има штетно влијание врз метаболизмот.
Еднолична исхрана
Исхраната која е еднолична не е добра, бидејќи нема да му ги обезбеди сите потребни хранливи материи на организмот. Таквата исхрана ќе го доведе организмот во небалансирана состојба. Нутриционистите препорачуваат вашата исхрана да биде колку е можно повеќе разновидна.
