Разводот за брачните партнери е прекинување на љубовта, пријателството, заедничкиот живот, крај на една етапа. За детето тоа е нешто многу повеќе. После таквите ситуации тие стануваат особено чувствителни, а однесувањето на родителите може да остави траги за цел живот.
Bright Side укажува на неколку работи на кои родителите мора да обрнат внимание додека трае разводот.
Не ги третирајте децата како возрасни личности
Тие не можат да сфатат зошто се разведувате и како се чувствувате. Вие сте одговорни за нив и треба да им дадете до знаење дека ќе бидат сигурни и сè ќе биде во ред. Разговарајте за проблемите со семејството, пријателите, психологот, но не со детето.
Не терајте го да направи избор
Детето не треба да избира со кој родител ќе остане затоа што така се чувствува дека едниот родител го издава. Распределете ги рамномерно обврските со парнерот во корист на детето.
Вашето дете се чувствува како причина за развод
Важно е често да разговарате со него за да спречите да размислува за такво нешто.
Не го обвинувајте другиот
Лошите и негативни мисли не ги споделувајте со вашето дете.
Не се обидувајте да го намалите контактот на детето со другиот родител. Не одмаздувајте се на бившата љубов така што ќе го ограничите времето на посета. Тоа ќе резултира со повредени чувства.
Решете ги проблемите во четири очи, далеку од ушите на детето.
