Шведската еколошка активистка Грета Тунберг соопшти дека ќе ја донира наградата од милион евра што ја доби за хуманост.
Португалската фондација Gulbenkian ја награди 17-годишната Грета за хуманост, а младата еколошка активистка ќе ја донира наградата на групи кои се борат против климатските промени и еколошките кризи.
Тунберг наградата ја доби за давање медицинска помош на автохтоните заедници во Амазонија во текот на епидемијата на корнавирусот, како и за залагање екоцидот да стане меѓународно злосторство, пренесе Reuters.
Освен што Time ја прогласи за личност на годината во 2019 година, Тунберг е двапати номинирана за Нобелова награда за мир
За добиената награда од милион евра таа рече дека што побрзо ќе ја донира за поддршка на организациите и проектите кои се наменети за еколошки цели.
Од португалската организација велат дека Грета е исклучително харизматична и инспиративна личност. Наградата е дел од Gulbenkian фондацијата основана во 1956 година, тоа е португалски филантропски институт посветен за промоција на уметноста, хуманоста, науката и образованието.
