Најпознатата млада активистка за заштита на природата, Грета Тунберг, по повод катастрофалните поплави што го погодија западниот дел на Европа, предупреди дека сè што се случува не е „новото нормално“ и дека климатската криза нема да може да се спречи, „доколку не се справиме со проблемот со климатските промени“.
Смртоносна топлина, поплави, невреме, шумски пожари, суши... ова не е „новото нормално“, напиша таа на нејзиниот Facebook профил.
Тунберг предупреди дека ова е почетокот на климатските промени и екстремните временски услови ќе бидат сè почеста појава.
„По неодамнешните катастрофални случки, особено во Западна Европа, се чини дека сите зборуваат за вонредни климатски ситуации. Но пред да се завршат овие трагедии, најверојатно ќе го заборавиме тоа и ќе продолжиме како порано“, рече активистката.
„Ако кризите не ги третираме како кризи, нема да може да ги спречиме“, порача таа.
Ја критикуваше власта и политичарите и рече дека сега ќе се обидат да се однесуваат одговорно, зборувајќи „убави, утешителни зборови“.
Се чини дека забораваат дека тие се одговорни за тоа што нè водат до дестабилизирана планета. Моите мисли се со сите кои се погодени од овие катастрофални поплави, заклучи Грета.