Антоан Гризман синоќа беше претставен како нов играч на Барселона.
Наговиот омилен број 7 во тимот го носи Филипе Кутињо, па синоќа беше решена и дилемата кој број на дрес ќе го земе Гризман во Барса.
„Заедно со семејството по гласањето одлучив да го земам бројот 17“, рече Гризман.
Французинот уште минатото лето требаше да дојде во Барселона, но во последен момент сепак одлучи да го продолжи договорот со Атлетико. Тоа, вели тој, не го направил од непочитување кон Барса.
„Во минатото имам направено и некои лоши работи, но не жалам за тоа. Едноставно, тогаш така сум се чувствувал. Не седев на две столчиња и не си поигрував со емоциите на навивачите. Немам потреба да барам прошка од навивачите на Барселона бидејќи ќе им покажам на теренот дека сакам да го носам овој дрес“, рече Гризман.
Причините за доаѓањето во Барса беа повеќе од јасни: борба за трофеи и Лионел Меси.
„Сакам да станам уште подобар играч, да бидам дел од стартната постава и да освојувам трофеи. Најмногу ме радува тоа што ќе ја делам соблекувалната со Меси бидејќи тој е најдобриот на светот. За моите деца тој е легенда и тие најмногу се радуваат што ќе играм со Меси“, додаде Французинот.