Французинот јавно проговори и сега се упатува на еден клуб.
Сосема сигурно е дека Антоан Гризман на крајот од сезоната ќе го напушти Атлетико, а тој во својата автобиографија напиша дека нема ништо против Англија и дека се гледа себеси во дресот на Манчестер Јунајтед.
Сакаше во Барселона, но нема гаранција, имено иако Каталонците го посакуваат, Гризман не може да смета дека ќе биде стандарден, токму поради Луис Суарез.
Дембеле е играч на кој Валверде сериозно смета, а тренерот на Барселона има некои потполно други идеи кога се засилувањата во прашање, тој гледа кон одбраната, а нема да се откаже ниту од Алкасер кој го гледа како џокер од клупата.
Реал и ПСЖ исто така го сакаат Гризман, како и ПСЖ, меѓутоа тој не сака да ги издаде навивачите на Атлетико, а веќе кажа дека не сака во Франција.
„Во јуни го продолжив договорот, иако ми недостасуваат титули среќен сум во Атлетико. Сепак, свесен сум дека ќе си заминам еден ден. Се уште не сум донел одлука, зависи од многу фактори. Немам ништо против тоа да заминам во Англија, освен лошото време. Манчестер Јунајтед е секогаш опција. Шансите за Олд Трафорд? Би дал шест од 10“, вели Гризман.
Гризман постигна само три погодоци, што е шест помалку во однос на минатата година во овој дел од сезоната.
Тој ја игра својата четврта сезона во Атлетико од трансферот од Реал Сосидеад, освои само еден Суперкуп на Шпанија и беше дел од тимот кој загуби во финалето од Лигата на шампионите од Реал Мадрид минатата година.