Француската легенда и прославен играч на Атлетико, Антоан Гризман, го привлече вниманието поради копачките кои ги носи.
Фудбалерите заработуваат огромни пари од добавувачите и производителите на спортска опрема во која играат, а за Гризман тоа во моментов не е случај. Французинот имаше договор со Puma, чиј амбасадор беше, но истече.
Гризман не потпиша ниту еден договор по летото и раскинувањето на соработката со Puma, туку наместо тоа се сврте кон сосема неочекувана опција во модерниот фудбал. Имено, Французинот моментално настапува во копачки кои чинат 65 евра и се продаваат во најчестите трговски ланци.
Неговите копачки од Decathlon привлекоа големо внимание кај фудбалската јавност бидејќи ги носеше на мадридското дерби викендов против Реал.
🚨 Antoine Griezmann is set to leave PUMA after 15 years with the company.
— Footy Hub (@Footyhub01) October 1, 2024
He will join Decathlon and become the face of the brand.
This is why he’s been wearing black boots since the start of the season. pic.twitter.com/ajfh516Ebq
Ова не се единствените важни вести од сегашноста на Гризман, бидејќи на почетокот на неделата објави крај на репрезентативната кариера. Светскиот шампион со Франција за репрезентацијата одигра 137 натпревари и постигна 44 голови.
По враќањето во Атлетико Мадрид во 2021 година, неговата плата е 240.000 евра неделно или 12,5 милиони евра по сезона. Во кариерата заработи неверојатни 210 милиони евра.
