Археолозите кои вршат ископувања во близина на пирамидите во Гиза открија древни египетски гробници што датираат од 2500 година пред н.е. и најверојатно во нив се погребани високи државни службеници.
Во неверојатното откритие спаѓа и семејна гробница од варовник што припаѓа на Петтата династија на Египет што владеела во периодот од 25. до 24. век пред н.е., соопшти Министерството за антиквитети на Египет.
Во гробницата се најдени мумиите на две лица: Бенхуи-Ка, кој имал седум титули во тој период, вклучувајќи врховен свештеник и судија, и Ниви, познат како „шеф на големата држава“ и „продуховник“ на фараонот Хафра.
Хафра, кој ја има изградено втората од трите славни пирамиди во Гиза, се претпоставува дека владеел околу 25 години.
Археолозите најдоа разни артефакти во гробницата, вклучувајќи статуа од варовник на еден од двајцата мажи, неговата сопруга и детето.
Најдени се и дрвени ковчези што датираат од тој период, украсени со светли бои и детални декорации.
Некои од ковчезите имаат хиероглифи на капаците и се најдени во близина на остатоци од дрвени маски.
Министерството се надева дека овие нови археолошки откритија ќе бидат поттик за туризмот во Гиза што беше погодена од немирите во земјата по Арапската пролет во 2011 година и тешко закрепнува.
Долго очекуваниот Величествен египетски музеј се гради токму со оваа цел. Институцијијата што се очекува да биде отворена во средината на втората деценија на 2000-тите ќе чини 1 милијарда долари и во неа ќе бидат сместени и реставрирани дел од највредните реликвии и артефакти на Египет.