Најмалку 17 луѓе присутни на венчавка загинаа по удар на гром во Бангладеш, пренесе BBC. Покрај загинатите, повредени се 14 лица меѓу кои и младоженецот.
Луѓето слегувале од чамец којшто пловел по река за да се упатат кон куќата на невестата кога се случило невремето проследено со грмотевици. Локалната полиција соопшти дека неколку групи луѓе се погодени од громови.
Секоја година во јужниот дел на Азија се случуваат удари од гром. Бангладеш во 2016 година ги прогласи за природна катастрофа откако загинаа 200 луѓе само во мај. Во еден ден смртно настрадаа 82 лица.
Експертите тврдат дека сечата на шумите е причината за зголемувањето на смртоносните удари од гром.