Поради удар од громови во индиската држава Бихар во последните 10 дена починаа 147 луѓе, соопштија вчера локалните власти кои предупредија дека претстојат уште поекстремни временски услови како последица на климатските промени.
„Научниците и метеоролозите ме известија дека главната причина за пораст на температурите се должи на климатските промени“, изјави тамошниот министер Раи и додаде дека во сабота починаа 25 луѓе од удар од гром.
Во 2018 година од удар од гром починаа повеќе од 2.300 луѓе
Громовите се честа појава во Индија поради сезоната на монсуните која трае од јуни до септември. Но, властите на Бихар велат дека оваа година бројката на загинати ќе биде уште поголема.
Минатата година од удар од громови во Бихар починаа 170 луѓе. Во соседната држава Утар Прадеш починаа повеќе од 200 луѓе.
Најголемиот број на починати е забележан во 2018 година – повеќе од 2.300 луѓе починаа од удар од гром.
