На авион Boeing 737 на American Airlines му пукна гума при полетување од аеродромот Тампа во Флорида, САД, јавува BBC.
Пилотот веднаш го прекинал полетувањето и го запрел авионот. На видеото се гледаат и возила за итна помош кои пристигнуваат на местото на настанот.
Портпаролот на аеродромот, Џошуа Гилин, изјави за локалните медиуми дека сите во авионот, вклучително и 174 патници и 6 членови на екипажот, биле „безбедно симнати од авион и однесени со автобус до терминалот“.
Нема извештаи за повредени, а обезбедени се заменски летови за сите патници.
