„Guns N' Roses“ објавија демо снимка од култната балада „November Rain“
Легендарниот бенд „Guns N' Roses“ премиерно ја претстави демо верзијата на баладата „November Rain“, снимена во 1986 година.
Овој бенд откри дека демо верзијата од култната балада ќе се најде на нивното реиздание на албумот „Appetite for Destruction“ од 1987 година.
Баладата, која на клавир ја изведува фронтменот Аксел Роуз, трае десет минути.
Инаку, песната „November Rain“ не се најде на албумот „Appetite for destruction“, па објавена е дури во 1991 година на албумот „Use your Illusion“.
На реизданието на албумот „Appetite for Destruction“ ќе се најдат дури 73 песни, од кои 49 никогаш порано не се објавени.