Свинското филе со зеленчук и јаболка е сочен, мек и многу богат оброк, за сите прилики.
Потребни состојки:
- 1,5 кг свинско филе
- 2 лажици масло
- 1½ лажичка сол, плус повеќе по потреба
- 300 гр брокула
- 2 моркова
- 1 лажица свежи листови мајчина душица
- ¼ лажичка бибер
- 2 јаболка
- 2 главици кромид
- 240 мл пилешки булјон
- 1 лажица путер
Подготовка:
Загрејте ја рерната на 220 степени. Подгответе плех за рерна. Исчистете го свинското филе од какви било жили. Исушете го месото со хартиени крпи и истријте го со една лажица масло и 1 и пол лажичка сол. Загрејте една лажица масло во тава на средна топлина. Кога маслото ќе се загрее, додадете го свинското филе и пржете, повремено превртувајќи го, додека не добие златно кафена боја, околу 12 минути. Потоа сѐ префрлете на голема чинија или даска за сечење.
Оставете ја тавата на шпорет на средна топлина. Додадете ги измиените брокули, морковите исечкани на прстени, јаболката излупени и исечкани на коцкии и кромидот исечкан на коцки, а потоа пржете до златно кафеава боја околу рабовите, околу 5 минути. Измешајте 1 лажичка сечкана мајчина душица. Со помош на четка за печиво (или со прстите), истријте го печеното свинско месо со мајчина душица и бибер. Врз зеленчукот ставете ги запржените свински филети, па префрлете ги во плех и ставете ги во рерна.
Печете 10 до 15 минути. Префрлете го свинското месо во голема чинија и покријте го со алуминиумска фолија. Оставете го да отстои околу 10 минути. Додека свинското месо мирува, вратете ја тавата со јаболката и кромидот во шпорет и загрејте ја на средна топлина. Додадете го пилешкиот булјон, доведете до вриење и варете додека не се намали за половина. Додадете путер и мешајте додека не се стопи.
За сервирање, исечете го свинското месо на парчиња и наредете го врз подлогата од зеленчук и јаболка.
