Јануарското засилување на Манчестер Сити, Габриел Хесус, кој од Палмеирас се пресели во Манчестер за 32 милиони евра, во средата го постигна својот прв гол во Премиер лигата. Младиот напаѓач беше стрелец на третиот гол за Сити во победата над Вест Хем од 4-0.
Габриел Хесус е 19 годишен фудбалер кој кариерата ја започнал во Палмеирас, а сега ќе се пробива во Премиер лигата. Менаџерот на Манчестер сити, Пеп Гвардиола имаше интересен коментар за првиот гол на фудбалерот.
„Се коцкавме со неговиот трансфер. Тоа е како кога ќе купувате лубеница, морате да ја отворите за да видите дали е добра или не. Многу е талентиран, поседува одлична доза на агресивност на теренот и има добар менталитет. Сака да успее и таа желба многу му помага. Ние ќе му помогнеме да постигне нешто во светот на фудбалот“, рекол Гвардиола.
Сити со победата над Вест Хем се израмни со Ливерул на четвртото место на табелата во Премиер лигата. Двата тима имаат по 46 бода, односно еден помалку од Тотенхем и Арсенал кои се наоѓаат на делбата на втората позиција.
