Менаџерот на Манчестер Сити, Пеп Гвардиола, најави дека нема да го врати Јаја Туре во тимот, се додека неговиот агент не се извини за критиките поради изоставувањето на овој играч.
Целиот случај го предизвика невклучувањето на 33 годишниот играч во екипата за натпреварот во Лигата на шампионите. Агентот на Туре, Димитри Селук тогаш изјави дека со таквиот потег фудбалерот е понижен, а Гвардиола на тоа одговори: „Селук мора да се извини. Ако тоа не го направи, Туре нема да игра“.
Спорот продолжи на BBC Sport, а агентот преку нив кажа дека не знае за што треба да се извини и сугерираше дека Гвардиола би требало да поразговара со Јаја.
„Јаја си ја работи својата работа. Ќе видиме што ќе се случи. Неговиот договор истекува на крајот на сезоната, па потоа ќе биде слободен играч“ - изјави агентот Селук.
Гвардиола за играчот изјави дека му било тешко да го вклучи во тимот за натпреварот од Лигата на шампионите.
„Добро го познава, знам дека е добро момче, но еден ден потоа, неговиот менаџер почна со критиките. Во тој момент, Јаја испадна од комбинација. Како тренер не можам да прифатам дека кога играчот не игра, тој оди да се жали во медиумите“ - изјави Гвардила и додаде дека Селук немал храброст да му се јави, но секогаш постои можноста да му се извини преку медумите.
„Кога ќе се случи тоа, Јаја ќе биде дел од тимот и ќе има исти шанси како и секој друг фудбалер да игра на следните натпревари“ - изјави менаџерот на Сити.