Актерката Гвинет Палтроу во емисијата на Хауард Стерн даде детален опис на вечерта кога нејзиниот тогашен дечко Бред Пит му се спротиставил на Харви Вајнстин откако дознал дека сексуално ја вознемирувал, објави „Daily Mail“.
Палтроу вели дека во 1995 година биле на премиера на „Хамлет“ на Бродвеј кога Пит го видел Вајнстин, го турнал до ѕид и му рекол: „Ако уште еднаш поради тебе таа се почувствува непријатно, ќе те убијам!“
Тоа се случило набрзо откако актерот Џејсон Присли го нападнал Вајнстин.
Актерката реќе дека се чувствувала чудно и дека немала поим дека Вајнстин ќе се обиде да ѝ се приближи.
„веднаш му кажав на Бред што се случило. Бев многу вознемирена, а само што потпишав договори за два филма со тој човек“, вели Палтроу.
Таа прв пат проговори на оваа тема лани за „New York Times“ и стана една од првите актерки што јавно го обвинија славниот продуцент за сексуално вознемирување.
„Уште бев многу млада и бев уплашена. Кога стигнав во хотелот, почна да ме масира и ми понуди да му се придружам во спалната соба. Бев очајна. Дотогаш го сметав за ‘чичко Харви““, рече Палтроу.
Откако го одбила, Вајнстин почнал да ѝ се дере и ја предупредил на никого да не кажува за тоа што се случило.
