Целиот настан ќе се пренесува во живо на официјалната веб-страница на американскиот гигант.
Harley-Davidson ќе ја објави својата линија на мотоцикли за 2023 година на 18 јануари, а потоа ќе ги дознаеме деталите поврзани со прославата на 120-тиот роденден на компанијата, пишува MotoBerza.
Јохан Сејц, претседател и извршен директор на Harley-Davidson, рече дека се надева дека сите фанови на брендот ќе учествуваат во славењето на богатото наследство на компанијата.
„Во 2023 година славиме 120 години постоење, па таа годишнина ќе ја искористиме за да му оддадеме почит на нашето богато наследство. Ќе го прославиме нашиот роденден со нашите фанови и јавачката заедница, притоа откривајќи ги и најновите понудени мотоцикли.
Ги повикувам сите да се придружат на нашата прослава и откривањето на новата моделска линија“, нагласи Чајц.
Иако Harley-Davidson сè уште не ја откри листата на новитети, неодамнешните извештаи сугерираат дека ќе ги вклучува Fat Bob 114, Heritage Classic 114, нова Nightster варијанта, нова CVO серија, а можеби и нов модел Icon.
Меѓу новитетите можеше да се најде и модел од 350 кубика, произведен во Кина. Ова го откриваат податоците достапни од Агенцијата за транспорт на САД.
