Вести

Хаварија при лансирање на ракетата „Сојуз“, двајцата космонаути не се во опасност

11. октомври 2018 - 12:42 | МИА/КАЈГАНА

Бајконур, 11 октомври 2018 (МИА) - При лансирање на рускиот носач на ракети „Сојуз МС-10“ од космодромот Бајконур кон Меѓународната вселенска станица се случи хаварија.

Двајцата члена на екипажот, рускиот космонаут Алексеј Овчинин и неговиот американски колега Ник Хејг успешно се спуштија на земјата и не се наоѓаат во опасност.

Спасувачките екипи ја забележале ракетата како се спушта со падобран кон земјата. Екипажот се приземји на 20 километри источно од Жезказган, во Казахстан и веднаш со нив е воспоставен контакт.

Четири хеликоптери, подготвени за спасувачка операција, полетаа кон приземјеното летало.

Русија одлучи да ги замрзне сите пилотирани вселенски мисии.

Коментирај