Hennessey на 15 јануари за првпат на јавноста ќе го претстави Venom F5 Revolution на егзотичниот автомобилски саем во Мајами (Флорида).
Третата верзија на ултраспортскиот модел што ја нуди американската компанија Hennessey под името F5 Venom Revolution ќе им се допадне на богатите љубители на возењето на патеката, а веќе е познато дека ќе бидат направени само 24 примероци од супербрзиот 'Revo'.
Со усовршувања кои вклучуваат различно прилагодени елементи на адаптивната суспензија и аеродинамички решенија на каросеријата со кои F5 Revolution ќе има значително подобро триење во свиоците, клиентите сè уште можат да сметаат на централно лоцираниот 6,6-литарски битурбо V8 „Fury“ мотор кој развива повеќе од 1.840 коњски сили и 1.617 Nm максимален вртежен момент, кој се распределува на задната оска со 7-брзински автоматски менувач.
Споменатиот потенцијал во овој случај вози само 1.360 килограми, а Hennessey вели дека повеќеприлагодливиот заден спојлер обезбедува 635 килограми притисок на задната оска при брзина од 400 км/час. Ракувањето ќе биде помогнато и со поголемиот дијаметар на ултра лесните бандажи со гуми за употреба само на патеката.
За F5 Revolution треба да се издвојат 2,7 милиони долари. Тексашката компанија тврди дека и пред премиерата, повеќето од планираните 24 примероци веќе се продадени.
Погледнете го Hennessey Venom F5 Revolution од секој агол во нашата ГАЛЕРИЈА.