Иако Honda се уште го води како прототип новиот Civic Type R, на саемот во Монтреал тие ги открија сите детали во поглед на изледот на внатрешноста на спортскиот модел.
Фотографиите покажуваат дека Honda ни овој пат не се откажува од црвената боја која е присутна во внатрешноста на Type R, а сега таа е застапена на управувачот, контролната табла, на вратите и на врвните Recaro седишта. Type R има алуминиумска кугла на 6-степениот менувач неколку карбонски детали, алуминиумски педали, како и селекторот за стилот на возење - Comfort или R+ модовите.
Иако ја открија внатшреноста, од јапонската компанија, се уште не ги открија деталите за 2.0 литарскиот 4-цилиндарски турбо бензински мотор. Претходно компанијата потврди дека автомобилот ќе се продава исклучиво со 6-степен мануелен менувач и демантираше дека ќе има CVT менувач. Извесно е дека автомобилот ќе располага и со повеќе од 300 коњски сили.
Официјалната промоција на сериската верзија на Type R треба да се случи на автомобилскиот саем во Женева, а се очекува дека компанијата наскоро ќе ги објави сите детали и цената за овој модел.
