Само една недела по премиерата, „The Predator“ повеќе не е на врвот на светскиот боксофис а неговото место го презема Џек Блек со филмот „The House With a Clock in its Walls“.
Со заработка од преку 26 милиони долари во првиот викенд од прикажувањето, „The House With a Clock in its Walls“ се искачи на првото место на боксофисот.
Покрај новите филмови кои ја имаа нивната премиера викендов беше и документарниот филм на контроверзниот американски режисер Мајкл Мур, наречен „Fahrenheit 11/9“, со кој режисерот сака да докаже дека го предвидел доаѓањето на Доналд Трамп на претседателската функција. Тој заработи само 3 милиони, што не беше доволно ниту за да се искачи меѓу петте најгледани филмови викендов.
Оригиналниот филм на Amazon – „Life Itself“ ја имаше неговата премиера викендов, но не оствари добри резултати на боксофисот, заработувајќи нешто повеќе од 2 милиони долари. Голем пад забележа „The Predator“, кој минатата недела беше на првото место со заработка од 24 милиони долари, додека викендов заработи само 8,7 милиони и „слета“ на четвртото место на листата филмови со најголема заработка.
Целосната листа изгледа вака:
- „The House With a Clock in its Walls“ – 26,8 милиони долари
- „A Simple Favor“ – 10,4 милиони
- „The Nun“ – 10,2 милиони
- „The Predator“ – 8,7 милиони
- „Crazy Rich Asians“ – 6,5 милиони
- „White Boy Rick“ – 5 милиони
- „Peppermint“ – 3,7 милиони
- „Fahrenheit 11/9“ – 3,1 милиони
- „The Meg“ – 2,3 милиони
- „Searching“ – 2,1 милиони
