Веста за новата серија на HBO, која припаѓа на светот на „Game of Thrones“, дојде само неколку часа откако телевизијата го откажа претходно најавениот друг спин-оф.
Серијата ќе се базира на книгата „Fire & Blood“ на Џорџ Мартин, а ќе се вика „House of the Dragon“.
Книгата излезе годинава, а приказната ја прати историјата на куќата Таргарјен, односно претците на Денерис и нивната борба во граѓанската војна. Проектот засега брои само 10 епизоди, а дејството се одвива околу 300 години пред главните дејствија во „Game of Thrones“.
Идејата е „House of the Dragon“ постепено да води до изработкa на нова серија „A Dance with Dragons“. Во неа ќе се разработува приказната за еден од најголемите настани во историјата на седумте кралства кој довел до граѓанската војна помеѓу двете фракции на куќата Таргарјен. Сепак, засега не е познато кога „House of the Dragon“ би можела да се појави на екраните.
„Од страшните тајни во историјата на Вестерос до вистинското потекло на Белите зомбија, мистеријата на Истокот па сѐ до легендата за куќата Старк, само едно е сигурно - тоа не е приказна за која мислиме дека знаеме сѐ“, изјави Џорџ Мартин, автор на серијалот „A Song of Ice and Fire“.