Регион

Хрватска политичарка најдена мртва во нејзиниот стан

12. февруари 2019 - 12:12 | МИА

Мирјана Јукиќ, членка на Градскиот совет на Ријека, е најдена мртва во нејзиниот стан, објави хрватскиот весник „Нови Лист“, додавајќи дека причините за нејзината смрт сѐ уште се утврдуваат.

Јукиќ, која е поранешна членка на партијата Жив Ѕид, беше доста ангажирана во врска со социјалните прашање.

Во декември минатата година, таа го поддржа усвојувањето на Буџетот на Ријека за 2019 година, поради што беше изложена на критики од страна на нејзините сопартијци и ја напушти партијата Жив Ѕид, која е дел од опозицијата во Градскиот совет.

Извори од Жив Ѕид информираа дека за смртта на 49-годишната Јуриќ биле информирани од нејзина сосетка, која изјавила дека „преку прозорецот ја видела како лежи на подот во нејзиниот стан“.

„Нови лист“, повикувајќи се на неофицијални полициски информации, наведува дека најверојатно станува збор за самоубиство.

Коментирај