Huawei најави дека следната година ќе ја претстави подобрената верзија на смартфонот на преклоп Mate X со поцврст екран и побрз процесор.
Деталите за новиот уред на јужнокорејскиот технолошки гигант ги објави Ричард Ју, шеф на одделението за потрошувачи во Huawei.
Покрај претставувањето на новиот подобрен уред, Huawei исто така има намера да го донесе Mate X во Европа, најверојатно во првиот квартал од 2020 година.
Mate X се појави на пазарот минатиот месец, а во Кина се продава за 2.400 долари.
Половината од неговиот склоплив екран може да се сврти наназад така што имате заштита на мобилниот телефон од двете страни кога е преклопен.
Ваквиот дизајн го направи Mate еден од најдобрите смартфони на преклоп на светскиот пазар, каде конкурира на Samsung Galaxy Fold.
Тренот на склопливи телефони се очекува да се прошири и во следната година, особено со доаѓањето на новиот Razr на Motorola, а од Samsung се очекува да работи на подобрување на актуелниот дизајн.
Со најавените унапредувања, се очекува Mate X да има уште подобар квалитет на слика и подобри перформанси.
Покрај подобрениот Mate X, Huawei се подготвува и за лансирањето на моделите P40 и P40 Pro во 2020 година. Според најновите информации, овие два уреди нема драстично да се разликуваат од нивните претходници, освен ќе имаат заоблени рабови на екранот.
P40 се очекува да биде претставен кон крајот на март, 2020 година.