Hyundai го комплетира преземањето на американската компанија Boston Dynamics, чиј најпознат производ е кучето-робот Spot. Корејскиот гигант има 80% сопственост и големи планови во иднина.
Амбициозниот план на Hyundai подразбира создавање на „затворен круг“ во кој ќе се конструираат, произведуваат и одржуваат роботизирани системи.
Boston Dynamics и Spot се познати низ светот, а досега го видовме кучето-робот како извршува различни задачи, од чување овци на Нов Зеланд до анализа на радијацијата во Чернобил.
Роботот најде место и во редовите на војската и полицијата.
Во промотивниот спот на Hyundai го гледаме како им помага на луѓе со ослабен вид и на доктори.
