Компанијата Hyundai објави тизери за електричниот SUV кој ќе биде претставен во февруари.
Се работи за моделот Ioniq 5 кој Hyundai го најавува со 3 нови тизери. Автомобилот е базиран на новата E-GMP платформа и изгледа поатрактивно во однос на актуелниот хетчбек.
Автомобилот има индивидуални светлосни елементи на предната и на задната страна. На предната страна на автомобилот има 4 дневни светла во облик на буквата „U“, а четирите задни светла имаат правоаголна форма.
Со 5-минутно полнење на батеријата ќе може да се поминат 100 километри, а 100% полната батерија овозможува домет до 550 км.
Hyundai ќе го претстави Ioniq 5 во февруари, а продажбата започнува во текот на годината.
