Новата епизода на популарната серија ќе биде побогата за Дејвид Бекам кој сега официјално е потврден како гостин.
Поранешниот фудбалер на Манчестер Јунајтед, Реал Мадрид, Лос Анџелес Галакси, ПСЖ и Милан, како и репрезенттаивец на Англија, ќе се појави во големото враќање на „Friends“ на малите екрани во епизодата „The Reunion“, позната и како „The One Where They Get Back Together“.
Бекам ќе биде само еден од многуте селебрити кои ќе гостуваат во епизодата, а досега потврдени се имињата на Џастин Бибер, Лејди Гага, Џејмс Корден, Кара Делавин, Синди Крафорд, Рис Витерспун и други.
На Бекам не му е непознат сетот бидејќи досега се има појавено во многу реклами, а се појави и во филмовите „Goal!“ со двете продолженија, „The Man from U.N.C.L.E.“ и „King Arthur: Legend of the Sword“.
Новата епизода ќе биде премиерно прикажана на HBO Max на 27 месецов.