Американскиот инвестициски фонд Raine Group нашол инвеститор од Блискиот Исток кој сериозно сака да го купи Интер од семејството Чан, јавуваат италијанските медиуми.
Tuttosport и Corriere dello Sport истакнаа како неименуван фонд од Блискиот Исток се подготвени да ги купи „Нераѕурите“ под условите поставени од сегашните сопственици, кои сакаат над 1 милијарда евра за клубот.
Семејството Чан сè уште треба да го отплати заемот од 275 милиони евра на Oaktree до 20 мај 2024 година, бројка што се зголемува на речиси 400 евра ако се пресмета каматата од 12%, или да ја рефинансира со двојни каматни стапки.
Разговорите меѓу страните напредуваат добро и Raine Group се уверени дека може да се постигне договор во наредните недели и месеци. Наскоро се очекува да пристигне конкретна понуда која ќе овозможи работите да тргнат напред.
Suning сепак би можел да одлучи да го задржи Интер, можеби наместо тоа да додаде нов малцински партнер, што ќе им дозволи да ги искористат предностите од новиот формат на Лигата на шампионите и претстојните промени на Светското клупско првенство.
