Шести пораз сезонава за „Росонерите“ кои потклекнаа и пред Лацио и тоа на домашен терен. Имобиле прослави 100 гола во дресот на Лацио.
Синоќа Милан претрпе нов пораз и уште еднаш ги разочара своите верни навивачи. На „Џузепе Меаца“ во Милано овој пат Лацио ги однесе бодовите победувајќи со 1:2.
По Интер и Фиорентина, Лацио е третата екипа која како победник си заминува од „Меаца“ од натпревар против Милан. Претходно бод успеа да освои и Лече играјќи нерешено.
Чиро Имобиле со глава го отвори резултатот во 25-тата минута и го прослави 100-тиот гол во дресот на Лацио. Но, Милан по само три минути се врати во игра откако обидот на Кжиштоф Пјонтек во автогол го претвори Анголецот Бастус.
Лацијалите победата ја зграпчија 7 минути пред крајот кога Луис Алберто одлично во фор го пронајде Хоакин Кореа кој излезе еден на еден со Џиџи Донарума и погоди.
Лацио сега е на делба на 4-тото место со Аталанта која киксна дома со Каљари, додека Милан е 11-ти.