Лука Дончиќ постигна кош со последниот звук на сирената за победа на Далас Маверикс од 114:113 над Мемфис Гризлис.
Маверикс ја изведоа топката од страна 1,8 секунди пред крајот на натпреварот, Дончиќ прими додавање, се ослободи од двајца играчи и потоа со чудесен шут, т.н. floater, погоди тројка за победа.
Словенецот беше најдобриот играч на паркетот во текот на целиот натпревар. Постигна 29 поени со девет асистенции и пет скока. Гризлис ги предводеше Грејсон Ален со 23 поени.
И Леброн Џејмс го пофали Лука за фантастичниот шут за победа.
Далас во моментов е седми на Западот со 30 победи од 54 натпревари, додека Мемфис е веднаш под него со три победи помалку.
