Најголемата фудбалска сапуница која нема никаква врска со трансфери е при крај, или барем доби нов заплет, кога Мауро Икарди синоќа се појави на Instagram и кликна на „unfollow“ на профилот на Ванда Нара.
Аргентинскиот напаѓач на ПСЖ претходно престана да ги следи сите освен сопругата и агент на Instagram, но сега ја тргна и неа од списокот.
Набргу потоа објави фотографија на која е со кренати раце и до неа напиша „Не е толку лошо да се биде соло“.
Се чини дека најпознатата врска во фудбалскиот свет заврши како што течеше - на социјалните мрежи.
Ванда на почетокот на неделава јавно го обвини сопругот Икарди дека ја изневерува, кавгата преку медиумите и социјалните мрежи траеше неколку дена, а фудбалерот дури и се закани дека ќе го раскине договорот со ПСЖ доколку таа поднесе барање за развод. Со оглед на тоа што таа е негова сопруга и агент, во тој случај би морала да плати одредена отштета на парискиот клуб.
Сапуницата продолжи со помирувања и прекини и поставување услови на Икарди за негово враќање во ПСЖ, од каде му дадоа неколку дена одмор поради семејни проблеми.
Сето ова го изнервира Лео Меси, па El Nacional пишува дека побарал од ПС| да го продаде Икарди и дека опцијата е размена со Барселона за пријателот на Меси, Серхио Агуеро. Наводно, Јувентус е многу заинтересиран за Икарди.
Врската очигледно се распадна вчера откако трансродовиот модел и актерка Гендалина Родригез објави пораки за кои тврди дека ѝ ги испратила Нара и се закани дека ќе објави снимки и фотографии со кои ќе ја докаже нејзината врска со Икарди.