Седаните на Audi ќе се нудат исклучиво во комбинација со електричен погон.
До неодамна, германските репрезентативни модели во комбинација со дизел мотор беа стандард и сон на многумина, а потоа законот и трендовите ги префрлија повеќето на бензински погон. Така е и сега, со поголемо или помало влијание на хибридните технологии, но тоа не е сѐ.
Верувале или не, моделите на Audi A4 и A6 ќе се нудат исклучиво со електричен погон. Ова го потврди шефот на Ауди, Маркус Дисман за германскиот Manager Magazin. Имате уште време - тоа нема да се случи до крајот на оваа деценија.
Дисман нагласува дека преминот кон погон на електрична енергија е важен и мора да се случи што е можно побрзо. Тој ги гледа хибридите и плаг-ин хибридите како застарена технологија.
Новите генерации на споменатите модели ќе излезат на пазарот во 2023 година, а ќе понудат и електрични верзии.
Сепак, класичниот мотор ќе остане во игра уште некое време, исто како и хибридите. Во однос на дизајнот, не очекувајте големи промени. Тоа ќе биде помодерен и поагресивен изглед, но сепак многу препознатлив.
Во поглед на екстравагантноста, Дисман е јасен - нема да се оди подалеку од A8 во сегментот лимузина и Q7 во SUV сегментот. Сепак, проектот Artemis е жив и ќе видиме сериска изведба во 2024 година.