Тренерот на Реал Мадрид Зинедин Зидан во протоколот за вечерашниот финален меч во Лигата на шампионите го вброи и синот Енцо.
„Кралскиот клуб“, вечерва ќе се обиде да стане првиот тим кој ја одбранил титулата во елитното натпреварување.
Зидан ги изненади сите со одлуката во протоколот да се најде и неговиот 20-годишен син Енцо.
Енцо Зидан почна да игра фудбал во Торино, а во Реал се пресели во 2004 година кога татко му од Јуве премина во Реал. До сега има настапувано за Ц и Б тимот на Реал.
Прв во професионалниот тим го внесе Жозе Мурињо, во 2011 година, додека редовно тренира со првиот тим од октомври минатата година.
За Реал дебитираше на 30 ноември, 2016 година во натпревар од Купот на Шпанија.
Дуелот помеѓу Реал и Јувентус ќе почне во 20 часот и 45 минути и ќе биде прв во историјата на Лигата на шампионите кој ќе се игра на стадион чиј покрив ќе биде затворен.