Меѓународната атлетска федерација (ИААФ) им дозволи настап на уште седум руски атлетичари на претстојните натпреварувања, но под неутрално знаме.
Русија во ноември 2015 година доби суспензија од сите меѓународни натпреварувања, а само атлетичарите кои добија дозвола од ИААФ можеа да се натпреваруваат, но под неутрално знаме.
Поради систематскиот допинг Русија не учествуваше на Олимписките игри во Рио де Жанеиро, а по завршувањето на Игрите суспензијата беше продолжена.
ИААФ на седуммина атлетичари им дозволи да настапат на претстојните натпреварувања, а најпознати меѓу нив се светскиот првак на 110 метри со препони Сергеј Шубенков и светската шампионка во скок во височина, Марија Кучина.
