Златан Ибрахимовиќ требаше да им се придружи на соиграчите на тренинзи дури на 26 мај, но тоа ќе го направи многу порано.
Ибра во понеделникот стигна од Шведска во Милано и по протоколот што важи за сите играчи, би требало да биде во самоизолација две недели.
Требаше да се појави на тренинг со Милан на 26 мај, но по направени два теста за коронавирус кои покажаа негативни резултати, доби дозвола да се врати на терен порано.
Ибрахимовиќ излезе од кампот Milanello каде стигна веднаш по доаѓањето во Италија и остатокот од скратениот карантин ќе го помине во самоизолација во неговиот стан во Милано.
Според италијанските медиуми, Ибрахимовиќ кон средината на следната недела ќе направи трет тест за коронавирус и ако се потврди дека е негативен, ќе може официјално да се врати на тренинзи.
