Новиот фудбалер на Лос Анџелес Галакси, Златан Ибрахимовиќ, ја критикуваше својата екипа после поразот од Канзас Сити (2:0).
На Швеѓанецот не му беше потребно многу за да стане ѕвезда и во МЛС лигата, бидејќи на своето деби со два фантастични погодоци ги воодушеви Американците.
Во дуелот против Канзас влезе во второто полувреме, сепак не можеше да му помогне на својот тим, но се постави како лидер.
После мечот им одржа говор на своите соиграчи, односно ги критикуваше, но истовремено и ги мотивираше.
„Ако не се гладни, тогаш јас ќе се потрудам да бидат. Јас сум, јас сум секогаш гладен. Мораме да напредуваме од ден во ден, да бидеме паметни, но подготвени. Искрено, се чувствувам многу добро и во секој следен натпревар ќе бидам стартер. Што и да мислите, тоа е одлука на тренерот“, објасни Ибрахимовиќ што им рекол на соиграчите по натпреварот.