Златан Ибрахимовиќ го продолжи договорот со Милан до 2021 година и истакна дека ќе направи сè за да ги оствари зацртаните цели со неговиот тим.
Фудбалерот кој е навикнат да освојува трофеи вели дека победите се зацртаната цел на овој клуб за наредната сезона.
„Секогаш се чувствував како дел од клубот, дури и кога играв за друг тим. Од првиот ден ме третираат добро. Во Милан се вратив со насмевка на лицето. Се чувствувам како дома. Го одбрав бројот 11 бидејќи навивачите на Милан ме препознаваат по тој број“, вели Ибра.
Швеѓанецот се заблагодари за укажаната доверба од страна на тренерот и на клубот.
„Се вратив во Милан за да го вратам клубот таму каде што заслужува да биде. Давам сè од себе за да ја остварам зацртаната цел. Мора да работиме, мора да се жртвуваме, но во последните шест месеци покажавме дека го имаме она што е потребно за да ја оствариме посакуваната цел“, вели тој.
„Не смееме да заборавиме дека сè уште не освоивме ништо. Во мојата глава секогаш имам зацртано таква цел. Тоа мора да се оствари оваа сезона. Сакам да му се заблагодарам на тренерот и на клубот. Направија сè за да останам во Милан. Во последните 6 месеци докажав дека годините не значат ништо. За време на одморот разговарав со луѓето во клубот и ја гледам својата иднина во Милан“, изјави Ибрахимовиќ.
