Швеѓанецот не се извини за инцидентот со Аспиликуета, напротив, вели дека намерно се удрил во него за време на квалификацискиот натпревар помеѓу Шпанија и неговата Шведска и дека пак би го сторил истото.
Златан Ибрахимовиќ вели дека Шпанецот упатил навредливи коментари кон негов соиграч и затоа заслужил да добие удар.
„Пред некој ден во националниот тим го удрив Аспиликуета. Тоа го наравив намерно. Не ми е срам да го кажав тоа бидејќи тој направи лош потег кон мој иограч. Му се силеше. Направив глупост, но и пак би ја направил за да го натерам да разбере: 'Такво нешто не смееш да правиш еб*те! Немаш мад*ња да го направиш кон мене. Но, ќе ти покажам што би ти се случило ако се дрзнеш да го направиш на мене'. Е поради тоа го удрив“, објаснува Златан за The Guardian.
Сесар Асипиликуета не го коментираше инцидентот, само објави фотка на Twitter со зборовите „Сѐ е во ред“ и со насмевка поради пласманот на Шпанија на Мундијалот 2022. Токму победата над Шведска ја прати „Фуријата“ во Катар.
„Што може тој да каже? Нема да се осмели да ми каже мене, но ќе му каже на мојот соиграч - кој нема да му направи ништо бидејќи е премногу добар. Не беше убав потег од мене, но пак би го направил. Таков сум и не ми е срам да го кажам тоа“, додаде Ибра.
Поради тој удар во грбот на Аспиликуета судијата му покажа жолт картон на Ибрахимовиќ, негов втор во квалификациите, што значи дека му следува автоматска суспензија од еден натпревар. Шведска ќе бара пласман во Катар преку баражот, а Златан нема да може да игра токму поради картонот.
„Не се работи за тоа што ќе го пропуштам баражот. Се работи за тоа да му докажам на типот дека не може да му се силиш на некој кој лежи на земја. Не напаѓаш куче кое не лае. Нападни го оној кој може да ти врати. Многу е лесно да им се силиш на моте соиграчи кои имаат по 20-ина години и се добри момци. Се надевам сега му е јасно“.
Среќ за Аспиликуета што игра во Челси, а Ибра во Милан, па тешко дека би имале нов дуел сезонава.
УЕФА веќе најави дека ќе побара од ФИФА картоните да не се пренесуваат во баражите, па останува ФИФА да го каже последниот збор.
Жрепката е в петок, Шведска за противник може да ја добие и Македонија која исто така има проблем со суспензии поради жолти картони (Елмас и Костадинов).