Фудбал
СЕРИЈА А 2019/20

Ибра урна рекорд, стана најстар стрелец на миланското дерби

11. февруари 2020 - 11:52 | Ф.З.

Златан Ибрахимовиќ втор месец е во Италија, а веќе сруши рекорд стар 59 години.

Со голот постигнат во првата минута од судиското надополнување на првото полувреме кога на Милан му донесе водство од 2:0, Златан Ибрахимовиќ се запиша во историјата.

Го собори рекордот на неговиот сонародник, Швеѓанецот Нилс Лидхолм кој во победата на Милан од 2:1 остварена на 26 март 1961 година постигна гол кога имаше точно 38 години и 43 денови. Ибра има исто години, 38, но е постар за 86 денови.

Тие двајца се најстарите дерби голгетери бидејќи зад нив со по 34 години се Филипо Инѕаги, Валтер Самуел и уште еден Швеѓанец, Гунар Нордал. Само Аргентинецот Самуел е играч кој влегол на оваа листа како фудбалер на Интер, останатите четворите влегле кога го носеле дресот на Милан.

Коментирај