Златан Ибрахимовиќ вечер фудбалскиот терен ќе го замени со сцената на Санремо каде на познатиот музички фестивал ќе излезе на сцената на која ќе учествува вкупно четири вечери.
Денеска Златан Ибрахимовиќ одржа прес-конференција заедно со водителот Амадеус на која зборуваше за вечерашниот настап кој фудбалските фанови со нетрпение го очекуваат бидејќи голгетерот ќе се покаже во едно сосема поинакво светло.
Ибра беше прашан дали е полесно да се даваат голови или да се настапи на ваков музички фестивал, а тој без двоумење одговори:
„Нормално дека е полесно да се даде гол. Ова не е мој свет, но со Амадеус и Фјорело (заб. на прев.), сум во добри раце и не се грижам. Ако згрешам никој нема да ми суди бидејќи ова не е мое, а ако се покажам, уште подобро, така би имал работа плус кога ќе се пензионирам“, рече Швеѓанецот.
Златан во неделата се повреди играјќи против Рома, па го очекува пауза од околу три недели од зелениот терен. Но, повредата не важи за на Санремо.
„Она што е сигурно е дека ќе се забавуваме. Програмата е секогаш иста. Имав несреќа да заработам мала повреда, но програмската шема на фестивалот не се менува“, додава тој.
Потоа доби новинарско прашање како би реагирал диколку Амадеус на сцената го донесе Ромелу Лукаку. На Санремо често водителите на гостите им носат нивни гости, а Ибра и Лукаку имаат инцидент на дербито помеѓу Милан и Интер во Копа Италија кога меѓусебно си упатија еден куп сочни пцовки.
„Ако сака да дојде е добредојден. Она што се случува на терен, завршува на терен, нема никаков проблем“, кратко објасни тој.
Засега е тајна што сѐ ќе треба Ибрахимовиќ да прави на сцената во салата „Аристон“, но она што е сигурно е дека ќе треба да отпее песна во дует со никој друг, туку тренерот на Болоња и поранешен играч, Синиша Михајловиќ.
„Се надевам дека не знае да пее, така ќе бидеме на исто ниво“, вели Ибра за дуетот кој ќе се реализиран ан третата вечер в четврток. Тие ќе го отпеат хитот „Io Vagabondo“ на групата „Nomadi“ од 70-тите.
Златан игра за Милан, но водителите Амадеус и Фјорело се двајцата големи навивачи на Интер, па дефинитивно ќе биде интересно вечерва на сцената на Санремо.
„Знам дека се интеристи, секој ден ме потсетуваат на тоа. Но, изминативе шест месеци не зборуваа толку...“
Санремо вечерва го има првиот ден, а преносот почнува од 20:30 часот на RaiUno. Водители се Амедео Себастиани, познат како Амадеус, кој беше главен водител и лани, а работи како ТВ и радио водител, додека вториот ководител е комедијантот Розарио Фјорело кој учествуваше и минатите години.
Фестивалот ќе трае до сабота, а кои четири вечери ќе се појави Ибра, останува изненадување.
