Поранешниот напаѓач на Барселона и Манчестер Јунајтед, Златан Ибрахимовиќ, кој сега игра за американски Л.А. Галакси, отворено зборуваше за неговото пријателство со тениската ѕвезда Новак Ѓоковиќ.
Двајцата врвни спортисти имаат балканска крв: Ѓоковиќ е најдобриот тенисер што излегол од Србија, а Ибра е роден во Малме, но има босанско потекло по татко му и хрватско по мајка му, кои емигрирале во Шведска во 70-тите.
Во интервјуто пред АТП Мастерсот во Лондон, Ибрахимовиќ имаше само пофални зборови за Ѓоковиќ откако новинарот го потсети на ситуацијата од 2013 година кога заедно играа тенис во Париз.
„Добри пријатели сме, уште сме во контакт“, рече Ибрахимовиќ.
„Се следиме, секој го гледа успехот на другиот. Многу сум среќен за него што се врати од повредата и пак е број еден, каде што припаѓа.“
„Ѓоковиќ ги има запознаено моите деца и беа импресионирани од него. Не играат тенис – сакаат фудбал и боречки вештини – но беа многу среќни што го запознаа.“
„Тој е фин дечко. Ликот што го гледате на ТВ, таков е и како човек. Некои спортисти се едно пред камера, а друго во вистинскиот живот, но Ѓоковиќ е ист цело време и тоа многу ми се допаѓа кај него“, вели Ибра.
„Тој е забавен, добар тип, има позитивна вибрација и е пријатно друштво.“
